كود فاس /////
كان خاص نتسناو يومين باش يخرج خبار رسمي على اعفاء والي فاس مكناس معاذ الجامعي ومعاه شوراق والي جهة مراكش.
رسميا هاد الشي جا فقصاصة لوكالة المغرب العربي للانباء. البارح كنا ف”كود” نشرنا لخبار مع صورة للوالي بالنيابة مع وزير الثقافة والاتصال. اليوم وقبل قليل خرجات القصاصة فالوكالة الرسمية.
فيها هاد العبارة “افتتحت، مساء أمس الأربعاء بساحة باب الماكينة، مرحلة فاس من البرنامج الثقافي “نوستالجيا عاطفة الأمس”، بحضور وجوه من عالم الثقافة والفن.
وتقترح هذه النسخة، المنظمة تحت الرعاية السامية لصاحب الجلالة الملك محمد السادس، والتي افتتحت بحضور وزير الشباب والثقافة والتواصل محمد المهدي بنسعيد، ووالي جهة فاس مكناس عامل عمالة فاس بالنيابة عبد الغني صبار”
يعني ان الصبار رسميا وبلا ما تخرج الداخلية اي بيان، ولى فبلاصة معاذ الجامعي. الوكالة الرسمية فالمغرب تكلفات وغير بجملة وحدة.
الحدث الثقافي وقع البارح. دابا خاص حدث اخر ويتنشر فوكالة المغرب العربي للانباء ويحضرو بنشيخي عامل عمالة الحوز اللي ولى والي مراكش بالنيابة، باش يكون خبر رسمي على تعيينو
اما اسباب هاد الاقالة فمازال ما كاينش شي تبرير رسمي.
