عمر المزين – كود///
قررت المحكمة الابتدائية الإدارية بفاس، زوال اليوم الثلاثاء، باش تدخل ملف طلب عزل رئيس جماعة مولاي يعقوب الحركي الشرقاني الحسني و5 أعضاء آخرين، فالمداولة، باش تنطق بالقرار ديالها 13 يناير الجاري.
يذكر باللي هاد طلبات العزل كان تقدم بها عامل إقليم مولاي يعقوب سمير الخمليشي اللي كينوب عليه الوكيل القضائي للمملكة اللي داير محل المخابرة ديالو مكتب الخازن الإقليمي ففاس.
وفي سياق آخر، طالبات فعاليات من مولاي يعقوب باش العمل يدير نفس المسطرة فحق رئيس جماعة سبع رواضي بنفس الإقليم اللي كانت جات عندو المفتشية العامة للإدارة الترابية اللي عمرها كتجي لشي جماعة غير هكاك.
يذكر أن توقيف رئيس جماعة مولاي يعقوب ومن معه جاء على إثر الزيارة للي كانت دارتها المفتشية العامة للإدارة الترابية، واللي دارت تقرير كحل يتضمن اختلالات خايبة عرفاتها هاد الجماعة التابعة ترابيا لجهة فاس مكناس
